Dosto, aaj ke time mein ek naya smartphone kharidna kisi sardard se kam nahi hai. aaye din naye phones launch ho rahe hain, har company apne phone ko sabse achha batati hai, aur hum confuse ho jate hain ki aakhir kaun sa phone hamari zarurat ko poora karega aur hamare paise vasool karwayega. Agar aapka budget thoda tight hai aur aap market mein apne liye ek best mobile phone under 20000 ki khoj mein hain, toh aapki yeh khoj shayad yahan par khatam ho sakti hai.
Aaj hum apne iss post mein detail mein baat karne wale hain Motorola ke ek tagde smartphone ke baare mein, jiska naam hai Moto G67 Power 5G. Motorola apne clean software aur solid build quality ke liye jana jata hai, par is baar unhone apne phone ke naam mein jo "Power" word ka istemal kiya hai, use motorola ne thoda zyada hi seriously le liya hai. Bharat mein iski keemat lagbhag ₹18,499 ke aas-paas hai. Toh chaliye, seedhi aur aasan bhasha mein iska review karte hain aur samajhne ki koshish karte hain ki kya yeh phone sach mein aapke liye ek achha option ban sakta hai.
Best Mobile Phone Under 20000
Motorola Moto G67 Power 5G - Review
Key Specs
|
⚙️
Processor
Qualcomm Snapdragon 7s Gen 2
|
🤳
Front Camera
32MP
|
📸 Rear Camera50MP + 8MP |
📱 Display6.70-inch (2400x1080)
|
|
🤖
OS
Android 15
|
⚡
RAM
8GB, 12GB
|
💾
Storage
128GB, 256GB
|
🔋
Battery Capacity
7000mAh
|
Design aur Build Quality
Dosto, kisi bhi phone ko kharidne se pahle hum uska design aur look dekhte hain. Look ke mamle mein Motorola ne kaafi achha kaam kiya hai. To aapke liye ye Moto 67 Power 5G best mobile phone under 20000 hone wali hai. Motorola ne iss smartphone me teen unique or premium colors diye hain. Yeh phone aapko Pantone Parachute Purple, Pantone Cilantro, aur Pantone Blue Curacso colors me mil jayenge. Yeh colors sach me phone ko ek fresh aur stylish look dete hain. Iske alawa, phone mein IP64 ki rating di gayi hai. Iska aasan matlab yeh hai ki agar aap bahar hain aur achanak se halki baarish shuru ho jaye, ya phone par thodi dhool-mitti lag jaye, toh aapko ghabrane ki zarurat nahi hai, aapka phone completely safe rahega.
Aap jab iss phone ko haath me pakdenge, toh yeh thoda bada aur solid feel hoga. Iss phone ka dimension 166.23 x 76.50 x 8.60 mm hai. Iska wajan 210 grams hai, jo doosre phones k mukable shayad aapko bhari lag sakta hai. Par dost, 7000mAh ki itni badi battery ke liye thoda wajan to banta hi hai na.
Full Specifications
Display
Agar aap phone par bahut zyada content consume karte hain, jaise web series dekhna, YouTube videos scroll karna, ya phir editing ka kaam karna, toh display aapke liye sabse zaruri cheez hoti hai. Is phone me aapko 6.70 inch ka FHD+ display milta hai, jo ki kaafi badi screen hai. Iska resolution 2400x1080 pixels aur aspect ratio 20:9 hai, jiski wajah se screen par colors aur details ekdum clear aur sharp nazar aate hain. Is phone ke display ki sabse khaas baat hai iska 120Hz ka refresh rate. Jab aap phone ki screen ko scroll karenge, apps open ya close karenge, toh sab kuch ekdum makhan (smooth) ki tarah chalega. Kahi par bhi aapko lag ya atakne wali feeling nahi aayegi. Saath hi screen ko scratches se bachane or safety ke liye motorola ne isme Gorilla Glass 7i ki solid protection diya hai.Hardware aur Performance
Ab baat karte hain phone ke processor k baare me. Is phone me Qualcomm Snapdragon 7s Gen 2 octa-core processor lagaya gaya hai. Yeh ek naya aur kaafi powerful chipset hai. Agar aap apne phone par heavy multitasking karte hain, jaise browser pe ek sath kai saare tabs open rakhna, background mein music play karna ya sath mein notes banana, toh yeh processor aapko bilkul nirash nahi karega. Iss phone mein aapko 8GB aur 12GB RAM ke options milte hain. Storage ke liye 128GB aur 256GB ka option hai. Ek choti si kami yeh hai, aap isme alag se memory card nahi laga sakte, isliye phone kharidte time hi apne storage ki zarurat ko dhyan mein rakh kar hi variant choose karein. Waise itni badi storage me jyadatar expandable storage ki jarurat nhi padit hai, kyuki 128GB aur 256 GB kam nhi hote.
Available Variants
- 8GB RAM 128GB STORAGE Motorola Moto G67 Power 5G (8GB,128GB)
- 8GB RAM 256GB STORAGE Motorola Moto G67 Power 5G (8GB,256GB)
- 12GB RAM 256GB STORAGE Motorola Moto G67 Power 5G (12GB,256GB)
Amazon par Price check kare : Buy Now
Camera
Pichle kuch time se log apne phone ke camera ko lekar bahut serious ho gaye hain. Aaj jab bhi hum koi smartphone kharidne ki baat karte hain to sabse pahle uske camera ke baare me charcha hoti hai, camera kaisa hai? kitne megapixel ka hai? aur bhi tarah tarah ke sawal aate hain man me. Motorola ne Moto G67 Power 5G mein pichhe ki taraf do cameras (dual camera setup) diye gaye hain. Main camera 50-megapixel (f/1.8 aperture) ka hai aur iske sath ek 8-megapixel (f/2.2 aperture) ka ultrawide lens diya gaya hai. Din ki roshni mein iske main camera se kaafi achhi aur detailed photos aayengi. Photos me colors thode natural side par rahega aur over-saturated nahi lagega. Isme 8MP ka ultrawide lens diya gaya hai, ye tab kaam aata hai jab aapko kisi badi building ya ek bade group ki photo leni ho, halanki ultrawide mein details thodi kam ho sakti hain.Abb baat karte hain iske front camera ki jise selfie camera bhi kehte hain. Selfie aur video calling ke liye, isme samne ki taraf 32-megapixel (f/2.2) ka single front camera milta hai.
Battery
Battery is phone ka sabse bada selling point hai. Iss phone k naam me hi 'Power' ka istemal kiya gya hai. Iski 7000mAh ki damdaar battery iss phone ko powerfull banati hai. Jaisa ki maine shuru mein bataya tha ki phone thoda bhari hai, wo isliye kyunki isme ek massive 7000mAh ki battery di gayi hai. Aaj kal ke zyadatar phones mein 5000mAh ki battery aati hai, us hisaab se yeh battery ek real monster hai. Agar aap phone par lagatar heavy kam karte hain, videos dekhte hain, thodi bahut gaming karte hain, aur editing karte hain, tab bhi yeh phone aaram se aapko dedh se do din ka backup nikal kar de dega. Aapko har jagah charger dhoondhne ki jarurat nhi padegi. Is badi battery ko charge karne ke liye box mein 33W ki fast charging ka support diya gaya hai. Halanki, 7000mAh ko full charge karne mein 33W ke charger se thoda lamba time lag sakta hai, par ek baar charge hone ke baad yeh jaldi khatam bhi nahi hoti.Software
Agar aap ise best mobile phone under 20000 samajh kar lambe time (3-4 saal) ke liye lene ka plan bana rahe hain, toh yahan ek badi nirasha haath lag sakti hai. Company ne isme sirf 1 saal ka OS update aur 3 saal ka security (SMR) updates dene ka wada kiya hai. Iska matlab yeh phone aage chal kar sirf Android 16 tak hi update hoga.
Connectivity
Iss phone me connectivity ke liye lagbhag saari zaruri suvidhayein milti hain. Aap isme ek sath 2 SIM laga sakte hain, aur sabse badhiya baat yeh hai ki dono hi SIM par aap 5G, 4G, ya LTE network chala sakte hain. Iska matlab fast internet speed me aapko koi dikkat nahi aayegi. Wireless connection ke liye isme Wi-Fi (802.11 a/b/g/n/ac) aur Bluetooth v5.10 ka support diya gaya hai. Sath hi, location aur maps ke liye GPS aur charging ya data transfer ke liye standard USB Type-C port bhi isme diya gya hai.Sensors
Is Phone Ki Achhi Baatein (Good Points)
- Isme aapko IP64 rating ke sath ekdum unique aur stylish design milta hai.
- Iske main camera ka performance kaafi theek-thaak (decent) hai, jisse achhi photos aati hain.
- Sabse badhiya baat yeh hai ki aap iske sabhi cameras se 4K video recording kar sakte hain.
- Iski battery life ekdum excellent hai, jo aaram se lambe time tak chalti hai.
- Videos aur music ka maza double karne ke liye isme Stereo speakers diye gaye hain.
- Agar aap purane wale wired earphones use karte hain, toh isme 3.5mm headphone jack bhi maujood hai.
- Entertainment ke liye isme FM Radio app bhi diya gaya hai.
Is Phone Ki Kamiyan (Bad Points)
- Phone me alag se storage badhane ke liye memory card (microSD) lagane ka option nahi hai.
- Iske display ki roshni (brightness) aur zyada ho sakti thi.
- Future updates ke mamle me company ne isme sirf 1 saal ka OS upgrade dene ka wada kiya hai, jo aaj kal ke hisaab se kam hai.
- Piche ki taraf jo ultrawide camera diya gaya hai, uski quality kuch khaas achhi (poor) nahi hai.
Final Virdict : Kya aapko yeh phone kharidna chahiye?
Agar aap ek aisa smartphone dhoondh rahe hain jisme lambi chalne wali battery ho, smoothly kam karne wala processor ho, display bada aur fast ho, aur software ekdum clean ho, toh Moto G67 Power 5G ek solid phone hai. Khaas karke agar aapka budget 20 hazaar ke aas-paas hai, toh yeh definitely best mobile phone under 20000 ki list mein top par rehne layak hai. Ha, agar aapko bohot halka aur patla phone chahiye, toh shayad aapko yeh thoda bhari lag sakta hai, par jo battery life yeh offer karta hai, uske aage yeh choti moti kamiyan ignore ki ja sakti hain.
Agar aap ek aisa smartphone dhoondh rahe hain jisme lambi chalne wali battery ho, smoothly kam karne wala processor ho, display bada aur fast ho, aur software ekdum clean ho, toh Moto G67 Power 5G ek solid phone hai. Khaas karke agar aapka budget 20 hazaar ke aas-paas hai, toh yeh definitely best mobile phone under 20000 ki list mein top par rehne layak hai. Ha, agar aapko bohot halka aur patla phone chahiye, toh shayad aapko yeh thoda bhari lag sakta hai, par jo battery life yeh offer karta hai, uske aage yeh choti moti kamiyan ignore ki ja sakti hain.
